Madami na rin akong quotes na binanggit, marami narin akong kakaibang linyang naiisip ngunit ngayon, simula ngayon idodokumento ko na ang bawat linyang aking sasambitin. Sa totoo lang, may iilan sa mga ito ay nakatago sa kung saan saang sulok ng internet, marahil sa liblib nito hindi ko narin alam kung saan saan ko sila inilagay."I'd rather stop than hurt you" kung itatagalog mo ito, "mas gugustuhin ko pang tumahimik nalang kaysa saktan ka.." Tila napakalawak nito kung tutuusin. Tatahimik ka para hindi na masaktan ang kung sino man special na tao, o 'di kaya mahal mo sa buhay. Tatahimik ka at hindi nalang magsasalita pa upang hindi na masaktan pa muli. Ngunit sa labas ng kagandahan nito ay mayroon rin naman itong kapangitan. Isipin natin na kung tatahimik nalang tao sa buhay pag-ibig ay masasabi natin na isa tayong tanga na hindi ipinaglalaban ang nararamdaman. Umpisa palang pinili niyo nang magsama, lalo pa sa mga nagpakasal na ika nga nila.. "For better or for worst, for richer and for poorer, 'til death do us part" isang mensaheng simple ngunit nangangahulugan ng isang napakagandang mensahe sa atin. Kung ayaw mo siyang masaktan sa umpisa palang sana hindi mo na siya minahal sapagkat sa pag-ibig walang salitang masakit, sa pag-ibig lahat napapagusapan, lahat masakit ngunit kung tunay yang nararamdaman mo kahit gaanong sakit iyan patuloy kang magmamahal...
No comments:
Post a Comment